موظفك الذكي
قابل موظفكاللي ما ينام.
يكلّم زبائنك على واتساب بلهجتهم (وإنستغرام بنسخة تجريبية). يعرف منتجاتك وأسعارها وشكد باقي منها، يبيع بالحد اللي إنت تحطه، ويناديك بس لما يحتاجك.
- 01
يجاوب من معلومات متجرك
السعر والكمية والتوصيل ياخذها من متجرك نفسه. وإذا ما يعرف الرقم أكيد، ما يألّف.
- 02
يبيع ويسجّل الطلب
يحجز القطعة باسم الزبون، يحسب التوصيل لمحافظته، وما يسجّل الطلب إلا بعد ما يگول «أكّد».
- 03
يناديك لما يحتاجك
شكوى أو إرجاع أو شي يحتاج قرارك؟ يحوّله إلك ويگلك شنو صار، وما يتصرّف من راسه.
- 04
يفهم الفويس
إذا زبونك دز رسالة صوتية، يسمعها ويرد عليها. وإذا ما فهمها، يطلب منه يكتب.
- 05
يفهم الصور
زبونك يدز صورة منتج وما يعرف اسمه؟ يدوّر عليها بمتجرك ويرد بسعره وتوفره. وإذا مو متأكد من الموديل، يسأله بدل ما يخمّن. مجاناً لكل المتاجر.
شوفه يبيع
محادثة وحدة،وطلب جاهز.
الساعة 2:14 بالليل، زبون من البصرة يسأل عن آيفون. هذا اللي يصير بمتجرك وإنت نايم، خطوة بخطوة.
- 01
دوّر بالمنتجات · شاف الكمية
iPhone 17 Pro · أسود 256GB · باقي 3 قطع
- 02
نطى خصم
5٪ · ضمن حدّك
- 03
حسب التوصيل · حجز القطعة
البصرة · 7,000 د.ع · محجوزة باسم مصطفى، محد ياخذها
- 04
سجّل الطلب
طلب 1042 · بعد ما الزبون أكّد
طلب جديد 1042 · البصرة
1,099,500
مصطفى
السلام عليكم، عدكم iPhone 17 Pro أسود؟
2:14وعليكم السلام، إي متوفر. iPhone 17 Pro أسود 256GB، باقي منه 3 قطع.
2:14- دوّر بالمنتجات
- شاف الكمية
بيش آخر سعر؟
2:15سعره 1,150,000 د.ع، وأقدر أنزّله لك إلى 1,092,500 د.ع. هذا أقل سعر عندي.
2:15- نطى خصم
زين آخذه. البصرة، الجزائر.
2:17التوصيل للبصرة 7,000 د.ع، والمجموع 1,099,500 د.ع دفع عند الاستلام. حجزت لك القطعة، أأكّد الطلب؟
2:17- حسب التوصيل
- حجز القطعة
إي أكّد
2:18تأكّد طلبك، رقمه 1042. يوصلك خلال يومين، والدفع عند الاستلام.
2:18- سجّل الطلب
إنت تتحكم
الحد إنت تحطه،وهو ما يعبره.
الحد اللي تحطه ما يتغيّر بالكلام. مهما لحّ الزبون أو حاول يقنعه، ما يعبره.
- 01
أكبر خصم إنت تحدده
ينطي خصم لحد الرقم اللي إنت تحطه، بلا ما ينتظرك. وإذا الزبون طلب أكثر، يگله هذا أقل سعر.
- 02
ما ينسجّل طلب بلا «أكّد»
يعرض على الزبون القطعة والسعر والتوصيل والمجموع، والطلب ما ينسجّل إلا لما يأكّد.
- 03
إنت تقرر شنو يسوي
إنت تختار شكد يتصرّف بنفسه. والشي اللي ما سمحتله بيه، ما يكدر يسويه أبدًا.
- 04
توقفه بضغطة، وكلشي مسجّل
توقفه وقت ما تريد، وكل شي سوّاه مسجّل ويا المحادثة اللي صار بيها.
حدود موظفك
مثال- أكبر خصم يعطيه بنفسه
- 5%
- أقل ربح يقبل بيه
- 12%
- شنو يكدر يسوي
- يحجز القطعة يسجّل الطلب يعدّل عنوان التوصيلالإرجاع يحوّله لك
الصبح
تصحى الصبح،وشغل الليل خالص.
تفتح اللوحة وتلگى طلبات الليل وقيمتها، المحادثات اللي رد عليها، وبس اللي يحتاج قرارك إنت.
صباح الخير
8,450,000د.ع
13 طلبًا، كلها بعد ما الزبون أكّد
ينتظر قرارك · 2
- زينبطلب إرجاع
- علييريد يكلّم موظف
| الطلب | الزبون | المحافظة | الحالة | الإجمالي |
|---|---|---|---|---|
| 1042 | مصطفى | البصرة | بانتظار التأكيد | 1,099,500 |
| 1041 | نور | بغداد — الكرادة | مؤكّد | 385,000 |
| 1040 | حيدر | النجف | مؤكّد | 212,000 |
- 01
طلبات الليل
كل طلب سجّله وكيلك، بالزبون والعنوان والمجموع.
- 02
كل الرسائل بمكان واحد
كل محادثات واتساب بمكان واحد، وتكدر ترد إنت بداله بأي وقت.
- 03
الفلوس اللي وصلت
تعرف شكد طلب وصل للزبون وانقبضت فلوسه، مو بس شكد انطلب.
كيف تبدأ
من الصفرلأول طلب.
ما تحتاج مبرمج، ولا رقم واتساب جديد، ولا شي تنصّبه. أربع خطوات وتبدأ.
- 01
أنشئ حسابك
سجّل بمعلوماتك وتدخل للوحة مباشرة. ما نطلب منك بطاقة.
- 02
أضف منتجاتك
بإيدك أو من ملف Excel. السعر بالدينار، والكمية لكل لون وقياس.
- 03
اربط واتساب وإنستغرام
رقمك الحالي نفسه، تربطه بمسح كود مثل واتساب ويب. وإنستغرام من الإعدادات.
- 04
اختار شلون يشتغل
ابدأ وهو يقترح الردود وإنت ترسلها، ولما تطمئن خليه يرد ويبيع بنفسه.
يقترح فقط
يكتب كل رد، وإنت تقرأه وترسله. أحسن بداية حتى تتعوّد عليه.
بعد الدوام
موظفينك يردون بالنهار، ووكيلك يستلم لما تسكّر. ولا رسالة تضيع بالليل.
طول الوقت
يرد ويبيع بكل ساعة، ويحوّل لموظفينك بس اللي يحتاج إنسان.
الأسعار
أرخص من راتب،ويشتغل 24 ساعة.
ابدأ مجاناً. برو يفتح كل المزايا بـ20,000 د.ع بالشهر، والرسائل تشتريها بحزم على قد حاجتك. بلا عقود وبلا رسوم مخفية.
مجاني
0للأبد
تبدأ بـ100 رسالة هدية، وبعدها تشتري الحزمة اللي تناسبك.
- واتساب برقم واحد: كل الرسائل بصندوق وارد واحد، مع ردود جاهزة وإشعارات على هاتفك.
- المنتجات والطلبات: منتجات ومخزون وطلبات وزبائن بلا حد.
- موظف ذكي يساعدك: يجهّز الرد وإنت ترسله، ويرد لوحده على الأسئلة البسيطة (أسعار، توفر، توصيل).
- يفهم صور زبائنك: الزبون يرسل صورة منتج، فيتعرّف عليها ويدوّر عليها بمتجرك ويرد بالسعر والتوفر الحاليين. الرد على صورة يحسب رسالتين.
- تعلّمه أسلوبك: أسلوب متجرك ومعلوماته وحدود الخصم، وتجرّبه قبل ما يرد على زبون.
- لوحة التحكم: المبيعات والتحصيل وتقرير الصباح على واتساب.
برو
كل المزايا20,000د.ع / شهر
كل شي بالمجاني، وتضيف عليه. أول أسبوع تجرّبه مجاناً، و12 شهر بـ200,000 (شهرين مجاناً).
- الموظف يثبّت الطلبات لوحده: يرد على زبائنك بالليل، يحجز، ياخذ العنوان ويثبّت الطلب، وإنت نايم.
- المتجر الإلكتروني: رابط خاص بمتجرك، الزبون يطلب منه ويتابع طلبه.
- فهم الفويس: يسمع نوتات زبائنك الصوتية ويرد عليها.
- حسابات للفريق: ادعُ موظفينك بصلاحيات تناسب كل واحد.
- إنستغرام: رسائل إنستغرام بنفس صندوق الوارد (تجريبي: يستقبل النصوص).
- دعم أسرع: تواصل مباشر على واتساب لما تحتاج مساعدة.
الرسائل: تشتري اللي تحتاجه
كل رد من موظفك الذكي رسالة. الحزمة تبقى لك لحد ما تستهلكها، وكل ما كبرت نزل سعر الرسالة.
1,000
6,000 د.ع
6 د.ع للرسالة
5,000
25,000 د.ع
5 د.ع للرسالة
15,000
60,000 د.ع
4 د.ع للرسالة
30,000
100,000 د.ع
3.33 د.ع للرسالة
موظف رد واتساب ببغداد يكلّف 500,000–900,000 د.ع بالشهر، مقابل ثمان ساعات دوام.
أسئلة
قبل ماتشغّله.
أحتاج رقم واتساب جديد؟
لا. تربط رقمك الحالي بنفس طريقة واتساب ويب، وتبقى تستخدمه من موبايلك عادي.
أحتاج موقع إلكتروني؟
لا. منتجاتك وكمياتها وطلباتك كلها داخل وكيلك، ومنها يشتغل. وإذا تريد، باشتراك برو نسوّيلك متجر إلكتروني برابطك تشاركه ويا زباينك.
شنو يصير إذا ما عرف الجواب؟
ما يخمّن. يحوّل المحادثة إلك ويگلك شنو صار، وتلگاها برسائلك.
يقدر الزبون يقنعه بخصم أكبر؟
لا. الحد اللي تحطه ما يتغيّر بالكلام. إذا طلب أكثر، يگله هذا أقل سعر وما ينزل بعد.
إذا زبونين طلبوا آخر قطعة بنفس الوقت؟
واحد بس تنحجز إله، والثاني يعرف إنها خلصت ويشوف البديل. فما تنباع نفس القطعة مرتين.
شنو تحسب رسالة؟
كل رد يرسله موظفك الذكي لزبون. الرد على رسالة فيها صورة منتج يحسب رسالتين (وحدة للرد ووحدة لقراءة الصورة). رسائل زبائنك إلك ما تنحسب، ولا ردودك إنت من صندوق الوارد. الرسائل تشتريها بحزم وتبقى لك لحد ما تستهلكها، وقبل ما تخلص ننبّهك.
في تجربة مجانية؟
إي. 100 رسالة هدية وأسبوع كامل من برو بعد ما توثّق رقم موبايلك، بدون بطاقة. تجرّب بزبائنك الحقيقيين وتشوف بنفسك.
شنو الفرق بين المجاني وبرو؟
بالمجاني موظفك الذكي يساعدك ويرد لوحده على الأسئلة البسيطة. ببرو يثبّت الطلبات لوحده، ويجي معاه المتجر الإلكتروني وفهم الفويس وحسابات الفريق وإنستغرام ودعم أسرع. وفهم صور الزبائن موجود بالحالتين. والرسائل بالحالتين تشتريها حسب حاجتك.
شنو يصير إذا انتهى اشتراكي؟
عندك 3 أيام مهلة، وبعدها ترجع للمجاني. ما ينحذف شي: منتجاتك وطلباتك ومحادثاتك ورصيد رسائلك كلها تبقى، وتنفتح المزايا أول ما تجدّد.
أقدر أوقفه؟
بأي وقت، بضغطة وحدة من الإعدادات. وتقدر تخليه يقترح بس، وإنت تشوف الرد قبل ما ينرسل.
خلّي متجركيرد الليلة.
أنشئ حسابك، أضف منتجاتك، واربط واتساب. وإنت تختار: يرد بنفسه، أو يقترح عليك وإنت ترسل.