رد تلقائي على واتساب… بس يفهم الزبون فعلاً
رسالة الترحيب الجاهزة ما تجاوب زبون سأل عن لون وسعر وتوصيل. وكيلك يفهم السؤال ويجاوب من بيانات متجرك، وإذا الموضوع يحتاج إنسان يحوّله لك.
شكد سعره بالأحمر؟ وتوصلون للموصل؟
الأحمر متوفر بسعر 385,000 د.ع، والتوصيل للموصل 8,000 د.ع. تريد أحجزه؟
ليش الرد الجاهز ما يكفي؟
الرد التلقائي الجاهز يشتغل على كلمة أو وقت: يرسل نفس النص لكل واحد. الزبون يسأل سؤال من ثلاث أجزاء، ويستلم رسالة ترحيب ما إلها علاقة، فيروح لمتجر ثاني.
شنو يسوي وكيلك بدالها
- يفهم السؤال بلهجة الزبون ويجاوب عليه، مو يرسل نص ثابت.
- ياخذ السعر والمتوفر والتوصيل من بيانات متجرك الحقيقية.
- تحدد إنت لهجته ونبرته وتحيته وساعات اشتغاله.
- الشكوى والإرجاع وأي شي يحتاج قرارك يحوّله لك ويا ملخص.
ما يكتب رقم غلط
السعر والكمية والتوصيل والمجموع تنكتب من بيانات متجرك. وإذا الرد ذكر رقم ما تأكد منه، النظام يمنعه قبل ما يوصل للزبون ويطبّق الحدود اللي حطيتها.
الخصم بالذات ما يتغيّر بالكلام: الحد اللي تحطه هو اللي يمشي، مهما الزبون لحّ.
ابدأ وإنت مطمئن
تقدر تبدأ بوضع «يقترح فقط»: يكتب الرد وإنت تشوفه وترسله. وبأي وقت توقفه بضغطة وحدة من الإعدادات، وكل شي سوّاه مسجّل ويا المحادثة.
كم يكلّف؟
مجاني
0للأبد
تبدأ بـ100 رسالة هدية، وبعدها تشتري الحزمة اللي تناسبك.
برو
20,000د.ع / شهر
كل شي بالمجاني، وتضيف عليه. أول أسبوع تجرّبه مجاناً، و12 شهر بـ200,000 (شهرين مجاناً).
أسئلة يسألونها
يرد بوقت الدوام بس؟
إنت تختار: يرد بعد الدوام بس، أو طول الوقت، أو يقترح وإنت ترسل. موظفينك يكملون النهار وهو يستلم لما تسكّر.
يفهم الرسائل الصوتية؟
إي، ضمن اشتراك برو: يسمع فويس الزبون ويرد عليه. وإذا ما كدر يسمعه يطلب من الزبون يكتب.
شنو تحسب رسالة؟
كل رد يرسله موظفك الذكي لزبون. رسائل زبائنك إلك ما تنحسب، ولا ردودك إنت من صندوق الوارد.
إذا الزبون طلب شي ما أريده؟
شنو يكدر يسوي تحدده إنت: الخصم والربح وإذا يسجّل الطلب لوحده. وأي شي برا هالحدود يحوّله لك.